Febreiro

Febreiriño corzo,
cos seus vinte e oito,
se dura máis catro,
non queda can nin gato,
nin rato dentro do burato.

Febreiro febroso
cos seus vinte e oito.
Se leva máis catro
non queda can nin gato.

Febreiriño curto,
cos teus días vinte e oito;
se duras máis catro,
non queda can nin gato,
nin ratiño no burato,
nin ovella rabela,
nin pastor para ir con ela,
nin cornos ó carneiro,
nin orellas ó pregoeiro.

Dixo no monte unha vella:
“Vaite, febreiriño curto,
cos teus días vinte e oito
que, se tiveses máis catro
non quedaba can nin gato”
Febreiro contestou moito:
“Os teus becerriños oito
deixa que meu irmán marzo
hachos de volver en catro”.