Sobre a chuvia, o arco da vella, a néboa…
Cando a gaivota está no mar,
colle o arado e vai arar.
Cando a gaivota está na terra,
colle a brosa e fende leña.
Cando as gaivotas voan sobre o mar, anuncian bo tempo e pódense facer labores fóra da casa, mais cando voan sobre a terra, é aconsellable realizar traballos a cuberto, como rachar leña nun alpendre, poñamos por caso, porque vai chover.
Alba, de Ribadeo
Rubias á Franqueira,
vellas “pra” a lareira.
Rubias ó mar,
vellas a traballar.
Cando no solpor as nubes rubias están cara ó monte da Franqueira quere dicir que vai chover ó día seguinte, por iso o das “vellas pra a lareira”; e cando están cara ó mar é porque vai estar bo día.
Paula, do Condado.
Vente, ventiño,
vento mareiro,
que se non vés
non come o larpeiro.
Vente, ventiño,
vento mareiro,
que se non vés
non vén o barqueiro.
Rico Verea, Manuel: “Tantarantán…”
Cando chove e quenta o sol,
anda o demo por Ferrol,
cargadiño de alfinetes,
para picarlles no cu ás mulleres.
Roberto, da Ponte do Porco. Miño, A Coruña
