Une, done (Varias versións)
Une, dole,
tele, candele,
somane, badal,
chinchín,
corropín,
conta ben,
que son dez.
Perrello, de Gaioso – Outeiro de Rei
Este foi á praza e non trouxo nada
Novo
Este foi á praza e non trouxo nada,
este foi á praza e trouxo un peixe,
este lavouno,
estre fritiuno
e este, coma o lambón, comeuno.
É para xogar cos dedos, comézase polo maimiño e remátase co matapiollos, vaise sinalando cada un deles e ao final, cando chegamos ó matapiollos e dicimos “comeuno” mordémoslle o dedo á/ó nena/o.
Anxo, de Orro – Noia
Este foi á fonte
Este foi á fonte,
este foi ó monte,
este quixo auga,
este non lla deu…
e veu o gordacho
¡e toooda, toda bebeu!
Empézase polo maimiño e en cada verso cóllese un dedo.
Xabier, do Corgo
Paxariño, rechinchiño 2
Paxariño, rechinchiño,
vaite esconder
detrás da pía de tía Inés
que “te” toca a túa dita “ves”.
Vanse tocando os dedos do bebé e ó que lle toque a palabra “ves” escóndese. E así ata escondelos todos. Este dito tamén se usa para botar as sortes.
Rosa Mª Fernández Carrera, de Tomiño
Pequeniño
Pequeniño,
“Mai-grandiño”,
Pai de todos,
Furabolos
e “Mata-pollos”.
Angélica, de Mondoñedo
Dedín, dedín
Dedín, dedín,
samarroquín,
rabo de rula,
mazarula,
cando o rei
por aquí pasou,
todas as damas
conquistou,
menos unha que
queedouuuuu.
A medida que se recita vanse tocando e agochando os dedos do/a neno/a ata que só quede un.
Roberto Mellid de Ponte do Porco – Miño – A Coruña
Este foi ó monte (Varias versións)
Este foi ó monte,
este colleu leña,
este foi ós ovos,
este fritiunos
e este gordiño comeunos todos.
A nosa memoria- Marín
Pim, pim, regorín
Pim, pim,
regorín
contra as vacas de Verín.
Paxariño, fai un niño
unha legua fóra
de onda min.
Cántase dando nos dedos. Comézase polo gordo e hai dúas voltas.
Mónica de Escornabois – Trasmiras – Ourense
Este foi por leña
Este foi por leña.
Este foille axudar.
Este foi por un ovo.
Este fritiuno
e este gordo comeuno.
Mónica de Escornabois-Trasmiras-Ourense
“Iste” pide pan
“Iste” pide pan.
”Iste” di que non o hai.
“Iste” di que o roubemos.
“Iste” di que é pecado.
“Iste” di que o confesemos.
Miguel de Barbadás.
