Xogos para balancearse
¿Canto pesas? (varias versións)
– ¿Canto pesas?
– Cen artesas.
– ¿Canto vales?
– Cen “reales”.
– Tírate alá que non os vales.
M. Barrio – Bouza Brey: “Xogos iniciáticos…”
Tecelán, tecelán
¡Tecelán, tecelán,
dálle a volta
ó batán!
Sei amasar
Sei amasar,
sei peneirar,
sei dar a volta
por riba do mar.
Dúas persoas (de altura semellante), unha fronte á outra e collidas polas mans abanean os brazos e no último verso dan unha volta sen soltar as mans.
María de Mugueimes (Muíños)
Serra, serra, miña “cansela”
Serra, serra, miña “cansela”,
ti polo mar e eu pola terra.
Dous rapaces/as están sentados/as no chan, un fronte ó outro coas pernas estiradas e tocándose cos pés. Agárranse das mans e mentres un se deixa caer para atrás o outro tira por el e viceversa. Márcase o ritmo dunha serra.
Ana de Vilariño (Poio)
