De ollos tapados

Xogos de ollos tapados

Quen te picou?

Novo

– Quen te picou?
– A Pica Polaina
– Pois vai alá a “traina”.

– Que traes acá?
– A fulana ou fulano
– Pois lévao para alá que non é verdade // ou “Trae para aquí que é así”.

Un adulto ou neno/a senta e outro/a pon a cabeza no seu regazo de costas ao resto, sen ver. Vén outro/a e pícalle cun dedo no lombo ou no cu. Entón o/a que está sentado/a di: “Quen te picou?”, e a/o que está agachado/a: “A Pica Polaina” e a/o sentado/a contesta: “Pois vai alá e traina“. Nese momento levántase o rapaz ou a rapaza e vai buscar a quen pense que lle deu. E entón é cando se di a segunda parte do dito. Se adiviña pasa esa persoa a quedar e se non, continúa a mesma ata que adiviñe.

Laura B, do Carballiño

Ilustración do dito

Decotín, decotán (varias versións)

– Decotín, decotán,
de la Zeca,
de la Meca,
de la “cabirta” corneca.
Señor Pedro, forasteiro,
¿cantos dedos hai no medio?
– Hai un.
– Se dixeses dous
nin perdías nin ganabas
nin levabas as porradas.

Un pon a cabeza no colo mentres o outro recita e dálle co cóbado nas costas e abre a man para indicar un número. O xogo consiste en que ten que acertar o número dos dedos.

Mónica de Escornabois -Trasmiras-Ourense

(máis…)

Uso de cookies

Este sitio web utiliza cookies para que teñas mellor experiencia de usuario. Se continúas navegando considérase a aceptación da nosa política de cookies. Máis información.

ACEPTAR
Aviso de cookies