A denociña (Mustela vulgaris e Putorius mustela)
Donosiña,
bonitiña,
garridiña,
vaite para a túa casiña,
bonitiña.
Deixa a miña
que é feíña.
M. Barrio – J. Pérez Ballesteros: “Cancionero…”
Donosiña, donosiña,
vaite para a túa casiña
que che hei de dar
pan e sardiña.
M. Barrio – J. Pérez Balllesteros: “Cancionero…”
Donicela, bonitiña,
garridiña.
M. Barrio – Terra de Melide.
Donicela, torresmeira,
borrallenta,
donicela, caldeirona,
malo raio que te coma.
M. Barrio – Terra de Melide. Inclúe a música.
Donicela, fea, fea,
feixe de palla,
cu de caldeira,
fai un burato
na lareira.
Dinlle estas palabras para encirriquiala e adoecela.
M. Barrio – I. Rielo: “Cancioneiro…”
¡Ama do cura!
¡Cazola queimada!
Así insultan á donicela os nenos que non lle teñen medo.
M. Barrio – L. Prieto: “Notas…”
Bonita, bonita
como o rabo
da miña pita.
E a donicela ponse contenta.
Fea, fea,
coma o rabo
da miña cadela.
E a donicela incomódase e chía.
M. Barrio – “Parroquia de Velle”.
Deixa unha resposta