Polo mar andan as lebres (varias versións)
Polo mar andan as lebres
e polo monte as anguías.
Os peixes polas labradas
cóllense con “angarillas”.
Vámonos de aí, meniña,
que todos van traballar.
A cadela pon os ovos,
a galiña vai ladrar,
as cuncas varren a casa
e a xesta vaise lavar.
Francisca Souto, de Padrón: “A nosa memoria- Marín”
Polo mar andan as lebres,
polo monte andan as troitas;
se che parece mentira,
coma esta haiche moitas.
Rico Verea, Manuel: ”Cancioneiro…”
Polo mar andan as lebres,
polo monte as anguías,
polos labrados os peixes,
polo mar as cotovías.
Rico Verea, Manuel: ”Cancioneiro…”
Deixa unha resposta