Xogos de pillar, danzados, de corda, para atinar…
Barquilleiro, barquilleiro
– Barquilleiro, barquilleiro,
¿cantos dedos hai no medio?
M. Barrio – Eladio Rodríguez: Diccionario…”
Malandrán me vou
– Malandrán me vou,
malandrán me veño,
e o meu cordeiriño
na corte o teño.
– Mariquiña, ¿que estás facendo?
– Estou peneirando.
– Malandrán…
– Mariquiña, ¿que estás facendo?
– Estou facendo a masa.
– Malandrán…
– Mariquiña, ¿que estás facendo?
– Estou facendo o pan.
– Malandrán…
– Mariquiña, ¿que estás facendo?
– Vou meter o pan.
– Malandrán…
– Mariquiña, ¿que estás facendo?
– Xa vai o pan cocido.
– Malandrán…
– Mariquiña, ¿que estás facendo?
– Reveu o pan.
– Reveu, reveu.
M. Barrio – L. Prieto: “Juegos infantiles…”
Rabexar, rabexar
– Rabexar, rabexar, mentres o lobo vai mexar
– Eu son o lobo que te hei de comer
– E eu a vaca que te hei escornar.
que te hei de topar.
M. Barrio – L. Prieto: “Juegos infantiles (A Gudiña)…”
Papaivello
Papaivello,
come tripas
con farelo (ou de carneiro).
M. Barrio – M. Fernández Costas: “Juegos…”
Danzados en ringleira
Pasa, Perico,
pasa, Monteiro,
polas portas
dos carabineiros.
O de diante
corre moito.
O de atrás
aí quedará.
Pola rúa de abaixo
Pola rúa de abaixo
pasan dous ratos;
un deles leva bisos
e o outro refaixos.
(Cambio de persoa)
Pola rúa do medio
van dous leiróns,
un deles leva saias
e outro calzóns.
(Cambio de persoa)
Pola rúa de arriba
van dúas pitas,
unha delas leva chambra
e outra camisa.
(Cambio de persoa)
Concha García: “Para dicir e facer”
Ás “escondas” dun “cencerro”
Ás “escondas” dun “cencerro”
San Xoán tiraba la,
San Xoán tiraba la.
San Pedro “me” leva o demo
e máis triqui triqui tra
e máis triqui triqui tra.
É un xogo de rolda. Están as cativas e os cativos sentados en círculo, cadaquén cunha pedra. Mentres se canta ”Ás escondas dun cencerro/ San Xoán tiraba la /San Xoán tiraba la./ San Pedro me leva o demo” hai que pasar a pedra á dereita coa man dereita e coller a pedra da esquerda coa man esquerda. Cando se canta “e máis triqui triqui tra” en vez de pasar e recoller, hai que mover a pedra da man esquerda ao lado esquerdo e logo ao dereito. A canción vai cantándose cada vez máis rápido, quen se confunde vai para fóra da rolda, ata que queda só unha persoa.
Paz Caldas, de Vigo
A pita cega (varias versións)
– Pita cega, ¿que perdiches?
– Unha agulla e un dedal.
– Dá tres voltas ó redor
que xa os atoparás.
Unha, dúas e tres.
M. Barrio – M. Fernández Costas: “Juegos…”
Pita cega que perdiches un dedal
Pita cega que perdiches un dedal,
espera por el que aí che vai.
M. Barrio – X. Taboada: “Etnografía…”
