Serra comadre (varias versións)
Serra, comadre,
serra, compadre,
na serreiriña do señor abade.
Ti coa lima
e eu coa serra
gañaremos cartiños coma terra.
Cóllese o bebé dos braciños, sentado fronte a un como semellando o feito de agarraren entre dous unha serra de man ó tempo que se lle soben e baixan as pernas para removelo suavemente. Vaise cantando poñendo énfase no final.
Lanuxos, de Bedús – Friol
Serra comadre,
serra compadre
na madeiriña
do señor abade
a xornal, a xornal,
a xusta, a xusta, a xusta.
Cóllese o/a neno/a no colo agarrándolle as mans e balanceandoas cantamos a canción. Ó chegar “a xornal” o balanceo faise amodo e cando é “a xusta” faise moi rápido.
Mary, de Cospeito
Serra comadre,
serra compadre,
a madeiriña
do señor abade.
Ti por arriba
eu por abaixo
faremos cartos
coma terra,
coma terra,
coma terra.
Mariuxa, de Vilalba
Serra comadre,
serra compadre,
na serreiriña
do señor abade
Ti polo pau
e eu pola serra.
Tira que tira,
serra que serra.
Marga, da Estrada
Serra compadre,
serra comadre
na madeiriña
do señor abade.
Tu coa lima
eu coa serra
gañaremos
diñeiriño
coma terra.
Muíños
Serra comadre,
serra compadre
na madeiriña
do señor abade.
Señor abade,
vaia con “dios”,
que a madeiriña
serrámoslla nós.
X. Costas. Luou – Teo
Serra comadre,
serra compadre
nas maceiriñas
do señor Abade.
“Tu” coa serra,
eu co serrón.
Veñan cuartos
ó meu bolsón
Noemi de Allariz
Deixa unha resposta