Manxurriña, manxurriña (varias versións)
Manxurriña, manxurriña,
come pan e ceboliña
¿Ves o gato no unto?
Escapa que che apunto.
Comézase facéndolle cóxegas na palma da man á/ó nena/o e cando se di “¿Ves o gato no unto?”, sinálase ó teito e no “Escapa que che apunto”, dáselle unha palmadiña na man á/ó nena/o.
Sabela, da Pontenova- Lugo
Manxurriña, manxurriña,
come pan e pataquiña
e se lle parece pouco,
un touciño e cacho doutro.
¿Viches o gato no unto?
¡Pun, que te apunto!
Recítase facéndolle cóxegas á nena/o na man, e cando remata o recitado dáselle co dedo na barriga para que leve un susto.
Susana (Recollido na Mariña Luguesa)
1 Comentario
Manxurriña, manxurriña, come pan e ceboliña,
manxurriña, manxurriña, come pan e cebolliña,
se máis tivera máis comera,
Deus llo pague a quen se llo dera,
¿Viches o gato no unto? ! Pun que te apunto! !Pun que te apunto!