“Dúrmete”, meu neno (varias versións)

“Dúrmete”, meu neno
“dúrmete”, meu sol
“dúrmete, pedazo”
do meu corazón.

Este neno lindo
pronto vai durmir
ten un ollo cerrado
o outro non o pode abrir.

“Dúrmete”, meu neno,
“dúrmete”, meu “benhe”,
“dúrmete”, meu neno,
teño que “cocere”.

“Dúrmete”, meu neno, durme,
que eu teño que “faguere”:
ir por unha ola de auga,
pór as fabas a “cocere”.

“Dúrmete”, meu neno,
que te vou deitar,
que a túa naiciña
ten que ir traballar.

“Dúrmete”, meu neno,
“dúrmete”, meu sol,
“dúrmete”, anaquiño
do meu corazón.