Danzados en roda
As abelliñas de San Miguel
As abelliñas de San Miguel
andan todas arredor do mel
e de mel e de “melacha”
o que ría ponse de cachas!
Mentres a roda xira, vaise cantando a copla e, ao rematar esta, as nenas e nenos intentan facer rir os demais facendo carantoñas e monadas. Quen ría terá que poñerse de cachas e xirar deste xeito. O xogo remata cando só queda unha persoa sen rir.
Helena, de Xeve – Pontevedra
Amiguiños de Miguel
Amiguiños de Miguel
e de mel e de meludo,
que se volva fulano de “culo”.
As abelliñas do mel
e do mel e do melacho,
que se volva fulano de “culacho”.
Blanco, Domingo: “A poesía popular…”
A bica do can
– Toma ti…, toma ti…
– ¿Que comiches?
– ¿U-la bica do can, Mariquiña?
– ¡Ardeu!
– ¿Onde tes a bica do can, Mariquiña?
– ¡Ardeu, ardeu!
M. Barrio – Eladio Rodríguez: “Diccionario…”
Que ande a roda
Que ande a roda,
que ande a roda,
quero, quero, quero ver bailar.
Que dea a volta a roda,
que dea a volta a roda,
quero, quero, quero ver bailar.
Sae a bailar, nena “hermosa”,
nena “hermosa”, sae a bailar,
que che quero ver a saia
que che comprou o papá.
Que ande a roda,
que ande a roda,
quero, quero, quero ver bailar.
Que dea a volta a roda,
que dea a volta a roda,
quero, quero, quero ver bailar.
Deixa unha resposta