Charla de Carlos Yus no VI Curso sobre Educación Infantil na Mariña

Carlos Yus responsable de contidos de Orella pendella deu unha charla sobre a páxina co título Orella pendella, para xogar cos ditos infantís de sempre.

A intervención tivo lugar o domingo 24 de xuño ás 12,00 h no Salón do Cine-Teatro de Ribadeo dentro do VI Curso temático de verán sobre Educación Infantil na Mariña titulado Literatura infantil, algo máis que conto, organizado do 22 ó 24 de xuño de 2012 pola Universidade da Coruña, o IES Dionisio Gamallo Fierro e o Concello de Ribadeo.

O curso estaba dirixido a mestres/as diplomados/as e estudantes de Maxisterio, técnicos/as en Educación Infantil ou en Xardín de Infancia, Alumnado do Ciclo de Grao Superior en E. I., Auxiliares Coidadores/as de Escolas Infantís e Persoal de SS SS.

O acto contou coa asistencia e participación de numerosas persoas interesadas en coñecer mellor a nosa tradición oral e en transmitírllela ós nenos e nenas. Moitas delas achegaron ditos novos e variantes doutros xa recollidos e comprometéronse a envialos á web. O equipo de Orella pendella agradece a súa participación e interese.