Xan do Outeiro ten un can
que lle chaman Capitán.
Tamén ten unha cadela
que lle chaman Micaela.
Tamén ten un boi
que lle chaman Turroi.
Tamén ten un gato
que lle chaman Escribano.
Tamén ten un galo
que lle chaman Santiago.
Tamén ten unha galiña
que lle chaman Mariquiña.
Tamén ten unha ovella
que lle chaman Cotorella.
M. Barrio – J. Pérez Ballesteros: “Cancionero…”
O can, o can,
o demo do can,
roeulle as cirolas
ó meu cirolán;
e se llas roeu,
deixarllas roer
que outras noviñas
lle han de facer.
M. Barrio – J. Pérez Ballesteros: “Cancionero…”
¡Pór, pór, pór, pór, pór,
e andar descalza!
¡Pór, pór, pór, pór, pór,
e andar descalza!
¡E a ama todo gasta!
M. Barrio – A. Noriega Varela: “Como falan…”
Donosiña,
bonitiña,
garridiña,
vaite para a túa casiña,
bonitiña.
Deixa a miña
que é feíña.
M. Barrio – J. Pérez Ballesteros: “Cancionero…”
Caracol, col, col,
bota os cornos ó sol
que a túa nai e o teu pai
os botaron en Ferrol.
Roberto – Ponte do Porco – Miño
Di a ra: – ¡Casar, casar, casar!
Responde o sapo: – ¡ E o pan, e o pan, e o pan!
M. Barrio – M. Fernández Costas: “Juegos…”
Grilo, grilo,
sae á porta
que che están
roubando na horta.
M. Barrio – I. Rielo: “Cancioneiro…”
Paxarela, pousa, pousa,
que che hei de dar unha cousa.
M. Barrio – A. Mª de la Iglesia. “El idioma…”
Pousa, pousa,
María da Pousa.
M. Barrio – M. Fernández Costas: “Juegos…”
