Trabalinguas

Tintininín
dixeron o frades.
Tintininín,
as chaves, que oíron,
Tintininín,
de oílo se riron.

Tío enquirquillado
non se desenquirquilla ben.
Xoaniña, a desenquirquilladeira,
que o veña desenquirquillar.

Sei dun niño
dunha cecigaciña
que con cinco cecigaciños está.
¿como faremos para desencecigaciñar
á cecigaciña
dos cinco cecigaciños?
O desencecigaciñador
que a desencecigañe
bo desencecigaciñador
será.

Vindo revindo,
copa copindo,
copindo copa.
E o que non diga
“vindo revindo
copa copindo
copindo copa”,
¡un raio me parta
se gota lle toca!

Unha cunca de sal arrasada,
¿quen a desarrasará?
O desarrasador que a desarrase
bo desarrasador será.

Xan, di a Xan
que lle diga a Xan
que vaia abrir a Xan
que está Xan á porta.

Teño unha capa
tallada,
golada,
borlada,
repicatallada.

Quen ma tallou,
golou,
borlou
e repicatallou
non ma soubo
tallar,
golar,
borlar
e repicatallar.

Vou chamar
o tallador,
golador,
borlador
e repicatallador
que ma veña
tallar,
golar
borlar
e repicatallar
mellor.

Maragato pato,
fillo dunha chincha.
Cando o galo canta,
o maragato rincha.