As cabras de Xan Barbeiro
As cabras de Xan Barbeiro
todas van por un raseiro;
unhas brancas e outras negras
e outras monas das orellas.
M. Rico: “Tantarantán…”
Polo curral do tío Pedro
Polo curral do tío Pedro
pasa o can do tío Miguel
cunhas polainas repenicadas,
repenicadas de papel.
Igual que nas anteriores pero cando di “repenicadas” repenícase coa orella coma se fose unha campá.
Palma, repalma (varias versións)
Palma, repalma
“chica” morena.
¿Como a queres,
grande ou pequena?
– Grande
– ¡Pumba!
– Pequena
– ¡Tin!
Redonda, redonda
Redonda, redonda,
“chiquita” morena.
¿Como a queres,
grande ou pequena?
Redondiña, redondiña
Redondiña, redondiña,
¿grande ou pequeniña?
M. Barrio
Trispilistrás, trispilistriñas
Trispilistrás, trispilistriñas,
o que non come non ten barriguiña.
Trispilistrás, trispilistrolas,
o que non come non ten barrigola.
Mentres recita, o adulto acaricia coa man e de xeito circular a barriguiña do/a neno/a. Na última palabra (barrigola), faille cóxegas na barriga.
Tantarantán, tarantán tarantiña
Tantarantán, tarantán tarantiña,
o que non come non ten barriguiña.
Tantarantán, tantarantán, tantarantola
o que non come non ten barrigola.
M. Barrio – Eladio Rodríguez: “Diccionario…”
Tinguirindín, guirindín, guirindolas
Tinguirindín, guirindín, guirindolas,
o que non come non ten barrigolas.
M. Barrio – Bouza Brey “Xogos iniciáticos…”
Pimpirindín, pirindín, pirindolo
Pimpirindín, pirindín, pirindolo
o que non come non ten barrigolo.
Tinpirrintín, pirrintín, pirrintola,
o que non come non ten barrigola.
M. Barrio – Eladio Rodríguez: “Diccionario…”
