Ditos, recitados e cancións gravadas por Migallas Teatro
Unha pega merga, reborderga,
gorda, rebirigorda,
acotobelada e xorda
cría pegos mergos, rebordergos,
gordos, rebirigordos,
acotobelados e xordos.
Se non criase pegos mergos, rebordergos,
gordos, rebirigordos,
acotobelados e xordos
non sería unha pega merga, reborderga,
gorda, rebirigorda,
acotobelada e xorda.
Mini e Mero.
Esta é a casa que fixo Xan.
Este é o millo
que estaba na casa que fixo Xan.
Este é o rato
que comeu o millo
que estaba na casa que fixo Xan.
Este é o gato
que cazou o rato
que comeu o millo
que estaba na casa que fixo Xan.
Este é o can
que perseguiu o gato
que cazou o rato
que comeu o millo
que estaba na casa que fixo Xan.
Esta é a vaca
que escornou o can
que perseguiu o gato
que cazou o rato
que comeu o millo
que estaba na casa que fixo Xan.
Xan do Outeiro ten un can
que lle chaman Capitán.
Tamén ten unha cadela
que lle chaman Micaela.
Tamén ten un boi
que lle chaman Turroi.
Tamén ten un gato
que lle chaman Escribano.
Tamén ten un galo
que lle chaman Santiago.
Tamén ten unha galiña
que lle chaman Mariquiña.
Tamén ten unha ovella
que lle chaman Cotorella.
M. Barrio – J. Pérez Ballesteros: “Cancionero…”
– Paspallás! Por aí ben vas.
– Pim, pim! Por aí non vin.
M. Barrio – J. Casal y Lois: “Cancionero…”
Filla do Rei,
boa moza,
“xorobada”,
tiñosa,
filla do Rei…
O adulto vai sinalando os botóns da chaqueta, da camisa, blusa… Tamén se pode utilizar para aprender a abrochar os botóns.
