A ovella
¡Belee…em! ¡Belee…em!
M. Barrio – Terra de Melide.
Xear, xear,
ata o meu coiro regañar.
A besta
M. Barrio – Noriega Varela: “Como falan…”
O raposo (varias versións)
Ó rapa raposo
do cu piolloso,
non comas o año
de Pedro Castaño,
que vai na ribeira
buscar a manteiga
“prá” mulleriña,
que a ten paridiña
na porta da eira.
Un fillo varón,
que lle chaman Antón,
pelico de cabra
e fol de castrón.
Serafina Riveiro, de Brandomil – Zas
A denociña (Mustela vulgaris e Putorius mustela)
Donosiña,
bonitiña,
garridiña,
vaite para a túa casiña,
bonitiña.
Deixa a miña
que é feíña.
M. Barrio – J. Pérez Ballesteros: “Cancionero…”
O lagarto e a lagarta
O lagarto
Lagartiño, sae, sae,
que morreu teu pai
no camiño da devesa
con tres cornos na cabeza.
¡Tin, tan! Mira que ben
toca teu irmán.
Josefa Santos, de Pudenza – Brandomil – Zas
A ra e o sapo
Di a ra: – ¡Casar, casar, casar!
Responde o sapo: – ¡ E o pan, e o pan, e o pan!
M. Barrio – M. Fernández Costas: “Juegos…”
A bolboreta
Pousa, pousa,
María da Pousa.
M. Barrio – M. Fernández Costas: “Juegos…”
A barbantesa (Mantis religiosa)
Barbantesa, ponte tesa,
se non, rómpoche a cabeza.
M. Barrio – V. Risco: “Etnografía”.
