O merlo
Polo tempo dos nabos
ben o pasamos,
polo das cereixas
xa non hai queixas.
M. Barrio – Terra de Melide.
O corvo
– Corvo queimado,
que levas no rabo?
– Leite mazado.
– Quen cho dou?
– A María do Coucou.
– Con que lle deches?
– Coa chave do rei.
– Deixa, deixa,
que xa llo direi.
M. Barrio – N. Rielo: “Escolma…”
Os días da semana
Hoxe é luns,
mañá é martes,
corta feira logo vén,
de mañá en oito días
éche a semana que vén.
M. Barrio – R. cabanillas: “Antífona da Cantiga”.
O verán
Xa nace o trigo,
xa temos pan.
Xa canta o cuco,
xa temos “vran”.
M. Barrio – X. Ramón e Fernández Oxea: “Cancionero y refranero de Corme”.
O entroido
¡E víndeo ver!
¡E víndeo ver!
O vello Entroido
que está teso e doido
ó pé do carballo,
sentado nun tallo
¡sen ter que facer!
¡E víndeo ver!
¡E víndeo ver!
M. Barrio – A. Mª de la Iglesia: “El idioma…”
Variante: En vez dos dous últimos versos:
Víndeo ver
que xa está para morrer.
M. Barrio – E. Rodríguez: “Diccionario”.
Agradecementos
Agradecementos especiais ás seguintes persoas e institucións:
- A Maruxa Barrio e Enrique Harguindey, autores dun dos libros básicos para a recuperación do noso folclore infantil tradicional: “Lerias e enredos para os máis pequenos”.
- A Mini e Mero, cantores, descubridores e repartidores dos tesouros da nosa literatura oral.
- A Paco Veiga e a todas as persoas entusiastas que traballan na recuperación e difusión dos nosos xogos tradicionais.
- Ós Titiriteros de Binéfar, artesáns da alegría e da diversión do teatro e da música populares.
- A Manuela, a Balles e a todas as persoas que fan funcionar a fábrica de soños da Editorial Kalandraka.
- A Sabela, traballadora infatigable e xenerosa a prol da nosa lingua e da nosa cultura.
- A Amelia, Helena, Teresa e a todas as persoas que compartiron e compartirán connosco os seus ditos e recitados.
- A Kiko, porque sen o seu enorme traballo e entusiasmo este proxecto nunca sería realidade.
- A María, por todo, incluídos os debuxiños.
Ligazóns
- Sobre Orella Pendella
- “Brincadeiras da lingua”. Material audiovisual e espectáculo sobre ditos infantís tradicionais.
25 Vídeos distribuídos por temáticas e espectáculo teatral da compañía Migallas Teatro sobre ditos infantís tradicionais. - Migallas. Grupo de teatro.
Compañía profesional pontevedresa con espectáculos de carácter humorístico orientados ó público familiar e adulto. - Xogos tradicionais. Portal sobre xogos tradicionais.
- Brinquedia, a Rede Galega do Xogo Tradicional.
Asociación nacida para dar cabida a todas as entidades que traballan arredor do patrimonio lúdico galego. - Vídeo sobre xogos populares e tradicionais
- Recreación dun antigo recreo escolar
- VI Festa de Xogos Tradicionais de Muimenta
- Vídeos de varios xogos tradicionais de Muimenta (XOTRAMU)
- Galicia Encantada. Enciclopedia da fantasía popular e tradicional.
Lendas, contos, mitos, seres e lugares máxicos, encantos, meigas, ánimas e espíritos. - Titiriteros de Binéfar. Compañía de teatro de monicreques e música tradicional.
Espectáculos de sala, de rúa, animación etc. - Cultura galega. O portal da Cultura Galega.
Noticias de última hora en galego sobre a actualidade cultural de Galicia, internacional, novas tecnoloxías, audiovisual, literatura, banda deseñada…
Que é orella pendella?
Na lingua galega hai infinidade de ditos, recitados, cancións, etc. que acompañaron desde hai séculos as brincadeiras dos/as nenos/as ou as relacións entre os membros maiores da familia e os máis pequenos. (máis…)
