A xoaniña (Coccinella septempunctata)
Reirrei,
¿cantos anos vivirei?
Vinte e cinco,
non o sei.
Un, dos, tres…
M. Barrio F. Lanza: “Falan…”
Xoaniña voa, voa
vai buscar os teus filliños
ó monte de Vilaboa.
Cando se atopa unha xoaniña e se colle na man, díselle este dito ata que comece a voar.
Anxo, de Orro – Noia
Costureiriña garrida,
¿mañá chove ou vai bo día?
Ponse a costureiriña ou xoaniña na palma da man e recítase o dito. Se voa, vai estar bo día e se non voa, malo.
Arabella
Voa, voa, patasola.
Leva as cartas
a Lisboa.
Pasa por casa
de miña madriña
que che dea
pan e cebola.
Dise cando pousa unha patasola (xoaniña) enriba de alguén. Faise pasear polas mans mentres se recita varias veces ata que sae voando, pois dá boa sorte.
Aranza, de Castromil – A Mezquita
Reirrei
¿onde irei?
¿“Pa” o mar “pa” a terra
ou “pa” o bico da serra?
A xoaniña póusase na palma da man e dise o dito. Se voa para abaixo, vas para o Purgatorio, se voa para arriba, para o Ceo.
Tareixa, de Naraío – San Sadurniño
Xoaniña, voa, voa,
heiche de dar pan de broa,
e se voas, voas ben,
douche pan trigo ¡tamén!
Pásanse os dedos suavemente pola man aberta do cativo ou cativa e
ó rematar, cando dicimos “¡tamén!”, facémoslle cóxegas nalgunha parte do corpo.
Marisú, de Santiago
Xoaniña, voa, voa,
que teu pai vai en Lisboa
a comprar pan e viño
“pa” pasar o camiñiño.
Xoaniña, voa, voa
que o teu pai vai a Lisboa
un, dou, tres …
Cóntase ata que a xoaniña comeza a voar.
Raquel, de Alxén – Salvaterra de Miño
Maruxiña, voa, voa,
polos campos da Madroa,
que teu pai e túa nai
che darán pan e cebola.
Lita Lopo Pérez, de Vigo
Voa bixaniña voa,
que teu pai vén de Lisboa
e “tráete” unha camisa nova.
Rosa Mª Fernández Carrera, de Tomiño
Xoaniña, voa, voa,
que teu pai vai en Lisboa,
túa nai vai coas vacas
e en vindo dache as papas.
Begoña
Xoaniña, voa, voa,
que che dou unha filloa.
Xoaniña, voa, voa,
que che dou un pan de “broa”.
Xoaniña, voa, voa,
que teu pai vai en Lisboa.
Maruxiña, voa,voa,
que teu pai vai na Madroa.
Anadosa, de Vigo
Voa, voa, xoaniña,
que teu pai vai no muíño
e a túa nai no Porriño,
Que che ha de traer
uns zapatiños
de cu de ratiño.
A nosa memoria- Marín
Voa, xoaniña, voa,
que teu pai vai en Lisboa
cun saquiño de boroa
e a túa nai está na cama
comendo pan e cebola.
Voa, voa…
Muíños
Voa, voa, xoaniña,
que che hei de dar pan e viño.
Voa, xoaniña, voa
que che hei de dar pan e boroa.
M. Barrio – L. Tobio: “Cosas…”
Xoaniña, voa, voa,
que teu pai vai en Lisboa
a comer pan e cebola.
Voa, xoaniña, voa,
que che hei de dar pan e filloa.
M. Barrio – F. Bouza Brey: “Nombres…”
Voa, xoaniña, voa,
que che hei de dar pan de boroa.
M. Barrio – F. Bouza Brey: “Nombres…”
Xoaniña, voa, voa
que teu pai vai en Lisboa
a comer pan e cebola.
M. Barrio – M. Fernández Costas: “Juegos…”
Xoaniña, voa, voa,
vai e tráeme
algunha nova.
M. Rico “Tantarantán…”
Maruxiña, voa, voa
que teu pai vai en Lisboa.
Maruxiña, voa, voa
que teu pai vai no muíño
e hache traer un boliño.
M. Barrio – F. Bouza Brey: “Nombres…”
Maruxiña, voa, voa
que teu pai vai en Lisboa
e túa nai coas vacas
e vindo darache as papas.
M. Barrio – F. Bouza Brey: “Nombres…”
Reirrei,
bota os cornos de fóra
que se non te matarei.
M. Barrio – L. Tobio: “Cosas…”
Sabiñón, sabiñón,
dime se mañá
vai sol ou non.
M. Barrio – I. Rielo: “Cancioneiro…”
Adiviña, adiviñón,
dime se mañá
virá sol ou non.
M. Barrio – I. Rielo: “Cancioneiro…”
Aveloiriña, voa, voa,
que che hei dar pan e cebola.
M. Barrio – F. Bouza Brey: “Nombres…”
Bichiño de “Dios”,
cóntame os dedos
e marcha con Dios.
M. Barrio – F. Bouza Brey: “Nombres…”
Cascarrubia, cascarrubia,
dime se mañá hai sol ou chuvia.
M. Barrio – F. Bouza Brey: “Nombres…”
Ceboliña, ceboleira,
voa, voa,
que mañá
che vou dar
pan e cebola.
M. Barrio – N. Rielo: “Escolma…”
Costureiriña, voa voa
que che hei de dar pan e cebola.
M. Barrio – F. Bouza Brey: “Nombres…”
Cuquiño de “Dios”
abre as ás
e vaite con “Dios”.
M. Barrio – I Rielo: “Cancioneiro…”
Deviñón, deviñón,
¿mañá vai sol ou non?.
M. Barrio – F. Bouza Brey: “Nombres…”
Margaridiña de “Dios”,
abre as alas
e vaite con “Dios”.
M. Barrio – F. Bouza Brey: “Nombres…”
“Mariposiña” do Noso Señor,
cóntame os dedos
e vaite ó sol.
M. Barrio – F. Bouza Brey: “Nombres…”
Papasol, papasol,
dille a teu pai
que mañá vaia sol.
M. Barrio – F. Bouza Brey: “Nombres…”
Pitasol, pitasol,
conta os dedos
e vaite ó sol.
M. Barrio – F. Bouza Brey: “Nombres…”
Pitasol, pitasol,
ensíname os panos
e vaite ó sol.
M. Barrio – F. Bouza Brey: “Nombres…”
Deixa unha resposta