A gaivota
– Gavota, gavota, ¿que levas no boche?
– Sardiñas asadas.
– ¿E quen chas asou?
– A nosa presidenta,
María Coucou.
Pasou polo río
e non se mollou.
Arao, arao,
cabeza de pau,
arao arao,
cabeza de pau.
Carlos Salgueiro, de Moaña.
– Gavota, gavota,
¿que levas no bocho?
– Castañas asadas (1)
– ¿E quen chas asou?
– María Cou Cou.
Pasou polo río
e non se mollou.
Arao, arao,
cabeza de pau.
Tizón, tizón
vai para o Salgueirón.
(1) Variante: “sardiñas” Pelogato – “Peixe” de Aldán, Cangas.
M. Barrio
– Gaivota, gaivota,
¿que levas no papo?
– Sardiñas asadas.
– ¿E quen chas asou?
– María pou-pou.
Pasou polo río
e non se mollou.
M. Barrio – I. Rielo, recolleuna en Pol.
O arao
Arau, arau,
cabeza de pau,
chufla, carolo,
con tripas e todo.
Dise cando os araos (aves mariñas) están na superficie do mar, flotando na auga. Unha vez rematada a canción, mergúllanse no mar para pescar algún peixe. “Chuflar” significa mergullarse, e “carolo” é un tipo de arao. Cando volven saír á superficie, repítese o dito para que volvan mergullarse.
Santiago González Calvo, “Guito”, de Guixar – Vigo
Deixa unha resposta