Unha vella tiña un can (varias versións)

Unha vella tiña un can (varias versións)

Unha vella tiña un can
debaixo da cama onde ela durmía. (bis)
O can ladraba: guau, guau.
e a vella non se decataba.

Unha vella tiña un gato
debaixo da cama onde ela durmía. (bis)
O gato miañaba: miau, miau.
O can ladraba: guau, guau.
e a vella non se decataba.

Unha vella tiña un rato
debaixo da cama onde ela durmía. (bis)
O rato chiaba: iiiii, iiiii.
O can ladraba: guau, guau.
O gato miañaba: miau, miau.
e a vella non se decataba.

Unha vella tiña un galo
debaixo da cama onde ela durmía. (bis)
O galo cantaba: quiquiriquí.
O can ladraba: guau, guau.
O gato miañaba: miau, miau.
O rato chiaba: iiiii, iiiii.
e a vella non se decataba.

Unha vella tiña unha ovella
debaixo da cama onde ela durmía. (bis)
A ovella meaba: beeeeebeee.
O can ladraba: guau, guau.
O gato miañaba: miau, miau.
O rato chiaba: iiiii, iiiii.
O galo cantaba: quiquiriquí.
e a vella non se decataba.

Unha vella tiña un boi
debaixo da cama onde ela durmía. (bis)
O boi bruaba: muuu, muuu.
O can ladraba: guau, guau.
O gato miañaba: miau, miau.
O rato chiaba: iiiii, iiiii.
O galo cantaba: quiquiriquí.
A ovella meaba: beeeeebeee.
e a vella non se decataba.
Unha vella tiña un porco
debaixo da cama onde ela durmía. (bis)
O porco roñaba: oiiii, oiiii.
O can ladraba: guau, guau.
O gato miañaba: miau, miau.
O rato chiaba: iiiii, iiiii.
O galo cantaba: quiquiriquí.
A ovella meaba: beeeeebeee.
O boi bruaba: muuu, muuu.
e a vella non se decataba.

Unha vella tiña un burro
debaixo da cama onde ela durmía. (bis)
O burro orneaba: iaaaa, iaaaa.
O can ladraba: guau, guau.
O gato miañaba: miau, miau.
O rato chiaba: iiiii, iiiii.
O galo cantaba: quiquiriquí.
A ovella meaba: beeeeebeee.
O boi bruaba: muuu, muuu.
O porco roñaba: oiiii, oiiii.
e a vella non se decataba.

Unha vella tiña un lobo
debaixo da cama onde ela durmía. (bis)
O lobo ouveaba: auuu, auuu.
O can ladraba: guau, guau.
O gato miañaba: miau, miau.
O rato chiaba: iiiii, iiiii.
O galo cantaba: quiquiriquí.
A ovella meaba: beeeeebeee.
O boi bruaba: muuu, muuu.
O porco roñaba: oiiii, oiiii.
O burro orneaba: iaaaa, iaaaa.
O lobo ouveaba: auuu, auuu
e a vella ¡por fin se decataba!
E así dicía:
“¡Mal raio te parta can
que mal agradeces
o pan que che dan!” (bis)


Unha vella tiña un can
debaixo da cama onde ela durmía,
e o can ladraba,
e a vella dicía:
– Malos demos te leven, ¡ou!, can,
que mal agradeces o pan que che dan.

Unha vella tiña un gato
debaixo da cama onde ela durmía,
e o gato miañaba,
e o can ladraba,
e a vella dicía:
– Malos demos…

Unha vella tiña un rato
debaixo da cama onde ela durmía,
e o rato chiaba,
e o gato miañaba,
e o can ladraba,
e a vella dicía:
– Malos demos…

Unha vella tiña un galo
debaixo da cama onde ela durmía,
e o galo cantaba,
e o rato chiaba,
e o gato miañaba,
e o can ladraba,
e a vella dicía:
– Malos demos…

Unha vella tiña unha pita
debaixo da cama onde ela durmía,
e a pita piaba,
e o galo cantaba,
e o rato chiaba,
e o gato miañaba,
e o can ladraba,
e a vella dicía:
– Malos demos…

Unha vella tiña un merlo
debaixo da cama onde ela durmía,
e o merlo asubiaba,
e a pita piaba,
e o galo cantaba,
e o rato chiaba,
e o gato miañaba,
e o can ladraba,
e a vella dicía:
– Malos demos…

Unha vella tiña unha ovella,
debaixo da cama onde ela durmía,
e a ovella meaba,
e o merlo asubiaba,
e a pita piaba,
e o galo cantaba,
e o rato chiaba,
e o gato miañaba,
e o can ladraba,
e a vella dicía:
– Malos demos…

Unha vella tiña un porco,
debaixo da cama onde ela durmía,
e o porco roñaba,
e a ovella meaba,
e o merlo asubiaba,
e a pita piaba,
e o galo cantaba,
e o rato chiaba,
e o gato miañaba,
e o can ladraba,
e a vella dicía:
– Malos demos…

Unha vella tiña un burro,
debaixo da cama onde ela durmía,
e o burro orneaba,
e o porco roñaba,
e a ovella meaba,
e o merlo asubiaba,
e a pita piaba,
e o galo cantaba,
e o rato chiaba,
e o gato miañaba,
e o can ladraba,
e a vella dicía:
– Malos demos…

Unha vella tiña unha vaca,
debaixo da cama onde ela durmía,
e a vaca urraba,
e o burro orneaba,
e o porco roñaba,
e a ovella meaba,
e o merlo asubiaba,
e a pita piaba,
e o galo cantaba,
e o rato chiaba,
e o gato miañaba,
e o can ladraba,
e a vella dicía:
– Malos demos…

Unha vella tiña un lobo,
debaixo da cama onde ela durmía,
e o lobo ouveaba,
e a vaca urraba,
e o burro orneaba,
e o porco roñaba,
e a ovella meaba,
e o merlo asubiaba,
e a pita piaba,
e o galo cantaba,
e o rato chiaba,
e o gato miañaba,
e o can ladraba,
e a vella dicía:
– Malos demos…

M. Barrio – Lois Carré: “Contos populares de Galiza”

Compáteo

(2) Comentarios

  • Anónimo Reply
    A versión que eu me sei de cando cativa dicía así:

    Unha vella tiña un can
    debaixo da cama onde ela durmía.
    O can dicía: guau, guau!
    A vella dicía:
    -Merda de can! que mal agradece
    o pan que lle dan.

    12/11/2008 at 4:43 p.m.
  • Anónimo Reply
    Unha vella tiña un can debaixo da cama onde ela durmía
    cando a vella espertaba o can ladraba e a vella dicía:
    malo raio che parta ou can
    que pouco agradece-lo ben que che fan
    12/01/2009 at 9:19 p.m.

Deixa unha resposta

O teu enderezo electrónico non se publicará Os campos obrigatorios están marcados con *

*


Uso de cookies

Este sitio web utiliza cookies para que teñas mellor experiencia de usuario. Se continúas navegando considérase a aceptación da nosa política de cookies. Máis información.

ACEPTAR
Aviso de cookies