Que é orella pendella?

Que é orella pendella?

Con esta páxina queremos difundir a literatura popular infantil de Galicia para que siga sendo unha ferramenta educativa e de lecer para os/as galegos/as do século XXI.

Na lingua galega hai infinidade de ditos, recitados, cancións, etc. que acompañaron desde hai séculos as brincadeiras dos/as nenos/as ou as relacións entre os membros maiores da familia e os máis pequenos.

Hoxe en día, debido ós cambios producidos nas formas de vida e nas actividades de lecer dos rapaces e rapazas, corremos o perigo de perder esta riqueza definitivamente. Sen rexeitar radicalmente as novas formas de diversión e coñecemento que nos ofrecen as últimas tecnoloxías, consideramos que é posible e, mesmo, moi positivo para as relacións humanas recuperar, coñecer e practicar os xogos verbais dos nosos avós.

Por moito que cambien os tempos hai sentimentos como a tenrura entre pais e fillos ou a alegría de xogar cos amigos/as que nunca cambiarán. A tradición oral ofrécenos a posibilidade de seguir expresando estes sentimentos e seguir gozando cos xogos máis sinxelos.

Moitos dos ditos populares de Galicia son comúns a varios pobos de Europa e, incluso, de América e de África, e outros son de creación xenuinamente galega. De aí a enorme variedade e as múltiples versións que podemos escoitar por veces dun mesmo recitado.

Animámosvos a participar neste proxecto achegándonos os ditos, recitados e cancións que coñezades e gozando cos que aquí descubrades. Non teñades reparo en enviarnos versións moi semellantes pois tede en conta que case todas as versións son válidas porque no seu seo latexa o xenio creador do pobo.

Esta páxina web realizouse durante unha licenza por estudos retribuída pola Consellaría de Educación e Ordenación Universitaria.

Compáteo

(10) Comentarios

  • fuco Reply
    En nome do ENDL do colexio Escravas Sgdo.Corazón de Xesús da Coruña e no meu propio, Parabéns por esta páxina que axudará a lembrar, descubrir e gozar con ese inacabábel caudal da cultura galega.
    12/11/2008 at 11:11 p.m.
  • Anónimo Reply
    Excelente páxina que seguro ha ser unha referencia para todos nós en pouco tempo. Parabéns
    12/11/2008 at 4:38 p.m.
  • Anónimo Reply
    Unha licencia que nos vai facilitar a todos/as o traballo nas aulas.
    Un saúdo.
    María
    http://maria-eduinfantil.blogspot.com
    marmalpica@gmail.com
    22/10/2008 at 7:35 a.m.
  • Anónimo Reply
    Os meus parabéns por tan fantástica e necesaria iniciativa. 🙂
    Os nenos son o futuro da lingua

    http://dalleuncolinho.blogspot.com/

    24/10/2008 at 8:22 p.m.
  • Anónimo Reply
    Fermoso traballo,tan necesario para os nosos peques,para todas nós como nais,e para todas nós como mestras.Ademáis desfrutase das ventaxas deste medio tan público e con tantas posibbilidades de intercambio.Enganchareivos co voso permiso nos nosos blogues,en especial en http://poemasparapeques.blogspot.com
    Belén Escariz,coordinadora do C.E.I.P.Quintela (Moaña)
    27/10/2008 at 9:10 p.m.
  • Anónimo Reply
    Noraboa por está fantástica iniciativa e por todo o traballo que hai detrás. Encántanos a páxina e parécenos enormemente útil para as escolas, as familias e a sociedade en xeral.
    ENDL e Biblioteca do CEP Brea Segade de Taragoña
    29/10/2008 at 3:22 p.m.
  • Anónimo Reply
    Esqueceunos dicir que xa estades entre os recomendados do noso blogue:
    http://www.blogoteca.com/bbs
    Saúdos
    Biblioteca Brea Segade de Taragoña
    29/10/2008 at 7:37 p.m.
  • Anónimo Reply
    Parécenos que xa había tempo que se viña precisando unha páxina así, que permita recuperar moitos dos xogos e recitados que están a piques de se perder. Loable iniciativa que vimos de publicitar no noso blog: http://www.blogoteca.com/cigsaudebarco

    Agora só nos resta animarvos a continuar e a que introduzades cada vez máis audios, para poder escoitar cómo as recitaban as nosas avoas e avós.

    Saúdos.

    CIG-Saúde O Barco

    01/11/2008 at 10:28 a.m.
  • Anónimo Reply
    Eu buscaba en google cómo remataba “catro aves escollidas son as que pasan ao mar…” e atopeivos, así que noraboa por esta páxina estupenda. Será de moita utilidade para todos. Dende musicaporuntubo@blogspot.com, xa temos un enlace a orellapendella.
    18/11/2008 at 9:42 p.m.
  • Anónimo Reply
    Que boa páxina. Non paredes!!!
    17/05/2013 at 10:32 a.m.

Deixa unha resposta

O teu enderezo electrónico non se publicará Os campos obrigatorios están marcados con *

*


Uso de cookies

Este sitio web utiliza cookies para que teñas mellor experiencia de usuario. Se continúas navegando considérase a aceptación da nosa política de cookies. Máis información.