Pinto, pinto (varias versións)

Ilustración do dito

Pinto, pinto (varias versións)


Pinto, pinto,
gagarabinto,
teño unha vaca
de vinte e cinco.
Teño un boi
que sabe arar;
tamén sabe
trompicar;
dar a volta
ben redonda
esa nena
que se esconda.

Sabela Gil.


Pinto, pinto,
gallarinto,
saca os bois
o vinte e cinco
e as vacas,
o vinte e seis.
Dá no peito,
dá no lar,
ó que lle toque
que se vaia deitar.

O das vacas e mais os bois ten relación coa feira de gando do 26 de Porto, que se realiza nos meses de agosto e setembro. Esta localidade está situada ó carón de Pena Trevinca, moi preto de Pías e Lubián.

Carmen de Carracedo – Pías- Viana do Bolo


Pinto, pinto,
colorinto,
leva as vacas
ao vintecinco.
Sen cordión,
sen cordión,
entra galiña
e fóra capón

Bieita, da Peroxa – Ourense


Pinto, pinto,
gorgorinto,
xoga ás vacas
ó trinta e cinco.

Cortizas, Antón: ”Chirlosmirlos…”


Pinto, pinto lagarinto
sácame as vacas
o vintecinco,
charramosco,
cascavello,
perequito que se esconda.

Avoa de María Salomé de Samos

Compáteo

Deixa unha resposta

O teu enderezo electrónico non se publicará Os campos obrigatorios están marcados con *

*


Uso de cookies

Este sitio web utiliza cookies para que teñas mellor experiencia de usuario. Se continúas navegando considérase a aceptación da nosa política de cookies. Máis información.

ACEPTAR
Aviso de cookies