Os días da semana

Ilustración do dito

Os días da semana

Hoxe é luns,
mañá é martes,
corta feira logo vén,
de mañá en oito días
éche a semana que vén.

M. Barrio – R. cabanillas: “Antífona da Cantiga”.


O luns sae,
martes anda,
mércores chega,
xoves talla,
venres volta
e sábado entra;
aí vén o Xan
cun feixe de leña.

M. Barrio – N. Rielo: “Escolma…”


O luns mollo,
o martes lavo,
o mércores seco,
o xoves saco,
o venres peneiro,
o sábado amaso
e o domingo que eu fiaría
todos me din que non é o día.

M. Barrio – Eladio Rodríguez: “Diccionario…”


Martín Conde
vai na leña.
Luns sae,
martes chega,
corta, talla,
quinta, pon,
venres ata
e no sábado
carreta.
Mulleriña,
lume acende
que ó fin vén
Martín Conde
xa coa leña.

M . Barrio – Tomo IV da “Biblioteca de las Tradiciones Populares Españolas”.

Compáteo

Deixa unha resposta

O teu enderezo electrónico non se publicará Os campos obrigatorios están marcados con *

*


Uso de cookies

Este sitio web utiliza cookies para que teñas mellor experiencia de usuario. Se continúas navegando considérase a aceptación da nosa política de cookies. Máis información.

ACEPTAR
Aviso de cookies