O lagarto e a lagarta

O lagarto e a lagarta

O lagarto

Lagartiño, sae, sae,
que morreu teu pai
no camiño da devesa
con tres cornos na cabeza.
¡Tin, tan! Mira que ben
toca teu irmán.

Josefa Santos, de Pudenza – Brandomil – Zas


Lagarto arnal,
morreu teu pai,
e no ano da fame
morreu túa nai.

M. Barrio – F. Bouza Brey: “El lagarto en el folklore gallego- portugués”.


Lagarto “arnau”,
lagarto “arnau”,
comícheslle as papas
a teu “irmau”.

M. Barrio – Terra de Melide.


Lagartiño, vai ó furadiño,
que vén túa nai cunha cunca de viño.
Lagartiño vai ó portelo
que vén túa nai cunha cunca de grelos.

M. Barrio – J. Pérez Ballesteros: “Cancionero…”


Lagartiño, sae do niño,
que aí vén túa nai
cunha pipa de viño.

M. Barrio – F. Bouza Brey: “El lagarto…

A lagarta


Lagartiña, sae, sae,
que mataron a túa nai
na portiña da devesa
cun foliño na “cabesa”.

M. Barrio – F. Bouza Brey: “El lagarto…


Lagartiña
sae da buratiña
que che comen a túa hortiña.

M. Barrio – F. Bouza Brey: “El lagarto…


Sae, sae, lagartiña,
que che comen a túa tortilla.
Sae, sae, lagartón,
que che comen o teu limón.

M. Barrio – F. Bouza Brey: “El lagarto…

Compáteo

Deixa unha resposta

O teu enderezo electrónico non se publicará Os campos obrigatorios están marcados con *

*


Uso de cookies

Este sitio web utiliza cookies para que teñas mellor experiencia de usuario. Se continúas navegando considérase a aceptación da nosa política de cookies. Máis información.

ACEPTAR
Aviso de cookies