Este queixo queixolán (varias versións)

Este queixo queixolán (varias versións)

Novo

En Este queixo queixolán
Este queixo queixolán.
Esta boca pide pan.
Este narís narisete.
Este ollo revirete.
Este seu irmán.
¡Arriba rabo de can!

Ana R. Barreiro, de Vilanova de Arousa


Novo

Este queixo queixolán.
Esta boca pide pan.
Este narís contornís.
Estes ollos de perdís.
Esta testa “testaruda”
Esta cabeza peluda.

Verónica e Fina Tasende, de Troián de Abaixo – Sofán – Carballo


Logo de Orella pendella

Este queixo queixolán.
Esta boca pide pan.
Este “narís” pis, pis.
Estes ollos revirollos.
Esta testa “testaruda”…
¡e este peliño de burra!

Como no anterior, pero no último verso despeitea o/a neno/a con toda a man.

M. Barrio – Bouza Brey: “Xogos iniciáticos…”


Este queixo queixolán.
Esta boca pide pan.
Este “narís narisán”,
Este ollo, pimpinete.
Tírate do cabalo, cabalete.

Na última estrofa temos que coller do nariz o/a meniño/a e darlle unha turriña.

Carme Saborido, de Padrón


Este queixo, queixoán.
Esta boca pide pan.
Este “narís”, naricete.
Este ollo, reberete.
Este outro, seu irmán,
e aquí arriba, aquí arriba, “ghabilán”.

No último verso, dáse un toque coa man sobre a fronte.

Manuel, de Vigo


Este queixo queixolán.
Esta boca pide pan.
Este ollo pin pin.
Este pimpinete.
¡Arranca cabaletee! (Tírase do nariz)

Soledad Gendra, de Bastavales – Brión


Este queixo queixolán.
Esta boca pide pan.
Este ollo cascolete.
¡Arranca o narisete!

Juan Clemente, de Combarro.


Este queixo queixotán.
Esta boca pide pan.
Este “narís” narisete.
Estes ollos de pisquete.
Esta testa manifesta.
Este cabelo douradiño.
Ven aquí, que che dou un biquiño.

Raquel, de Alxén – Salvaterra de Miño


Este queixo queixolán.
Esta boca pide pan.
Este “naris narisete”.
Este ollo revirete.
Este outro seu rimán.
¡Arriba, “ghabilán”!

Concha, de Cantodarea: “A nosa memoria- Marín”


Este queixo queixolán.
Esta boca pide pan.
Este nariz naricete.
Estes ollos de pisqueta/e
Esta “frente” calderete.
Este peliño de ouro…
¡e sae de aí que che bouro!

No último verso faille coma quen que lle dá unha tortiña.

Montse, de Nigrán


Este queixo queixolán.
Esta boca pide pan.
Este narís narisete.
Este ollo pipirete.
Este outro, seu irmán.
Esta “frente”, frentolán.

M. Barrio – Bouza Brey: “Xogos iniciáticos…”


Este queixo queixolán.
Esta boca pide pan.
Este nariz naricete.
Este ollo rebirete.
Esta testa testolán.
Turra polo capitán.

Vanse sinalando todas as partes e no último verso tíraselle ó neno/a do pelo.


Este queixo queixolán,
esta boca pide pan,
estes ollos “pestenexos”.
¡Fura por aquí, “conexo”!

No último verso faille cóxegas no pescozo.

M. Barrio V. Risco: “Etnografía…”


Este queixo queixolán.
Esta boca pide pan.
Este “narís” narisete.
Estes ollos de pisquete.
¡Toma, toma, carneirete!

No último verso dálle un golpiño na testa.

No último verso dálle un golpiño na testa.

Compáteo

Deixa unha resposta

O teu enderezo electrónico non se publicará Os campos obrigatorios están marcados con *

*


Uso de cookies

Este sitio web utiliza cookies para que teñas mellor experiencia de usuario. Se continúas navegando considérase a aceptación da nosa política de cookies. Máis información.

ACEPTAR
Aviso de cookies