Recitados diversos
¡Lavada ós tres días nada!
“¡Lavada ós tres días nada!”
díxolle o millo á liñaza.
E contestou ela: “¡Nugallanzón,
un mes baixo o terrón
e inda se vou, se non vou”.
M. Barrio – Marcial Valladares: “Diccionario Gallego”
O cogomelo (varios)
Choupín choupiñeiro,
dime onde está o teu compañeiro.
Dito referido á recolleita de cogomelos na comarca valdeorresa, onde a especie máis abundante é a “Macrolepiota procera” coñecida na zona como “choupín”.
Valdeorras
O salouco (varios)
Salouco trouco,
vaite de min
e métete noutro.
Díselle aos nenos/as cando teñen un salouco (impo).
Moncho, de Castrelos – Vigo
Chorro morro
Chorro morro
meu real,
saes ti
pola porta real,
sae sanuco
rabo de cuco,
sae labrar
e sementar
nas herbiñas
de Portugal.
M. Barrio M. Fabeiro Gómez: “Cancioneiro de Muros”
Cocheguiñas, cocheguiñas
Cocheguiñas, cocheguiñas.
Abre a man e solta a outra.
Cocheguiñas, cocheguiñas
pague quen che toque a roupa.
M. Barrio J. Pérez Ballesteros: “Cancioneiro”.
Bótalle os ovos
Bótalle os ovos
á galiña branca
e pitos e todos
andaban na danza,
bótalle os ovos
á galiña negra
e pitos e todos
andaban na festa.
Ai, chíquiri, chíquiri, chíquiri.
Ai, chíquiri, chíquiri, cha.
M. Barrio M. Fabeiro Gómez: “Cancioneiro…”
Os de Ourense
Os de Ourense
mataron un burro,
os da Coruña
comérono “crudo”
e os de Vigo
mandaron recado
que lles “gardaran”
a punta do rabo.
M. Barrio I. Rielo: “Cancioneiro…”
Punto, repunto
Punto, repunto,
Señor Director,
para o ano que vén
seremos mellor.
Punto, repunto,
Señor Director,
para o ano que vén
¡seremos peor!
