Novos

Tantarantán (Varias versións)

Novo

– Chucurruchú, ¿para onde vas vella?
– Chucurruchú, para Pontevedra.
– Chucurruchú ¿que vas buscar?
– Chucurruchú, unha area de sal.
– Chucurruchú, ¿para que é o sal?
– Chucurruchú, para botarlle ó caldo.
– Chucurruchú, ¿para que é o caldo?
– Chucurruchú, para lles dar ás pitas.
– Chucurruchú, ¿para que son as pitas?
– Chucurruchú, para poñer os ovos.
– Chucurruchú, ¿para que son os ovos?
– Chucurruchú, para lle dar ó cura?
– Chucurruchú, ¿para que é o cura?
– Chucurruchú, para dar a misa.
– Chucurruchú, ¿para que é a misa?
– Chucurrurruchú, para estar no ceo.
– Chucurruchú, ¿para que é o ceo?
– Chucurruchú, para estar na gloria.

Tania Ruibal, de Bueu

(máis…)

Serra comadre (varias versións)

Novo

Serra, comadre,
serra, compadre,
na serreiriña do señor abade.
Ti coa lima
e eu coa serra
gañaremos cartiños coma terra.

Cóllese o bebé dos braciños, sentado fronte a un como semellando o feito de agarraren entre dous unha serra de man ó tempo que se lle soben e baixan as pernas para removelo suavemente. Vaise cantando poñendo énfase no final.

Lanuxos, de Bedús – Friol

(máis…)

Dedín dedín (varias versións)

Novo

Didín, didín do charramusquín,
do arzabuco, do rabo do cuco.
Cando o rei por aquí pasou
todas as aves convidou
menos unha que quedou
e esa foi con gran pesar.
Chouca, bouca, cabeza de ouca,
vaite deitar nas portiñas de “Gibraltar”
que de alí te irán buscar
morta, viva, derreada ou como sexa.
Alza, lúa,
baixa o sol,
¿en que cabaliño queres ir mellor?
No que mande el rei, señor.

Nesta ocasión, o dito do “Dedín dedín…”, que cruzou o mar, úsase para acompañar o xogo de cabalgar nas pernas ata que se simula unha caída do cabalo.

Héctor López Irabedra, de Buenos Aires – Arxentina

(máis…)

Cando a gaivota está no mar

Novo

Cando a gaivota está no mar,
colle o arado e vai arar.
Cando a gaivota está na terra,
colle a brosa e fende leña.

Cando as gaivotas voan sobre o mar, anuncian bo tempo e pódense facer labores fóra da casa, mais cando voan sobre a terra, é aconsellable realizar traballos a cuberto, como rachar leña nun alpendre, poñamos por caso, porque vai chover.

Alba, de Ribadeo

Uso de cookies

Este sitio web utiliza cookies para que teñas mellor experiencia de usuario. Se continúas navegando considérase a aceptación da nosa política de cookies. Máis información.

ACEPTAR
Aviso de cookies