Oracións de risas

Padre Nuestro carapuchín

Padre Nuestro carapuchín,
Deus nos dea boa fin,
remisión dos meus pecados,
que son moitos e moi largos.
Aquel “perro” traidor
non quixo querer a “Nuestro” Señor.
“Nuestro” Señor é meu pai,
“Nuestra” Señora, miña nai
San Vicente, o meu parente,
que me puxo a cruz na “frente”
“pra” que o demo non me tente
nin de día nin de noite
nin na hora da miña morte, amén.

Taboada

Ilustración do dito

Levántate néboa

Levántate néboa,
filla de can
e mais de cadela,
que aí ven “San Martín”
co seu “borriquín”,
que te ha de matar
e que te ha de levar
para o fondo do mar.

A función deste recitado é para que se levante a néboa; dicíano os nenos cando ían coas ovellas ou coas vacas ó monte porque se había néboa non as vían e podían extraviarse.

Ángela de Riotorto – Lugo

Uso de cookies

Este sitio web utiliza cookies para que teñas mellor experiencia de usuario. Se continúas navegando considérase a aceptación da nosa política de cookies. Máis información.

ACEPTAR
Aviso de cookies