Xear, xear,
ata o meu coiro regañar.
A besta
M. Barrio – Noriega Varela: “Como falan…”
O raposo (varias versións)
Ó rapa raposo
do cu piolloso,
non comas o año
de Pedro Castaño,
que vai na ribeira
buscar a manteiga
“prá” mulleriña,
que a ten paridiña
na porta da eira.
Un fillo varón,
que lle chaman Antón,
pelico de cabra
e fol de castrón.
Serafina Riveiro, de Brandomil – Zas
A denociña (Mustela vulgaris e Putorius mustela)
Donosiña,
bonitiña,
garridiña,
vaite para a túa casiña,
bonitiña.
Deixa a miña
que é feíña.
M. Barrio – J. Pérez Ballesteros: “Cancionero…”
A ra e o sapo
Di a ra: – ¡Casar, casar, casar!
Responde o sapo: – ¡ E o pan, e o pan, e o pan!
M. Barrio – M. Fernández Costas: “Juegos…”
A bolboreta
Paxarela, pousa, pousa,
que che hei de dar unha cousa.
M. Barrio – A. Mª de la Iglesia. “El idioma…”
Pousa, pousa,
María da Pousa.
M. Barrio – M. Fernández Costas: “Juegos…”
