Author - Orella pendella

Pavís, pavós (varias versións)

Novo

“Pra” min, “pra” vós,
“pra” a filla do rei
(casada con “mi”, casada con vós,)
(merda “pra mi”, merda “para” vós,).
¿En quen escolledes?
Vostedes, vosoutros, vós.

Nesta versión pódese descubrir a posible orixe do primeiro verso do resto das versións e co que se denomina comunmente este dito: “Pavís, pavós”. Sería unha deformación de “Pra min, pra vós”.
Por outra banda, a persoa informante sinala que se poden combinar os versos cuarto e quinto da maneira seguinte: “casada con “mi”, merda “para” vós”.

Terra de Melide

(máis…)

O cuco

Novo

– Fuches á voda?
– Fun, fun.
– Viches a noiva?
– Vin, vin.
– E que facía?
– Bordaba e cosía.
– En que pano?
– No verde dourado.
– Imos aló, que nos faga un saio.

A musiquiña desta conversa repite a melodía do cantar típico dos cucos e semella unha conversa entre dúas destas aves.

Lanuxos, de Bedús – Friol

(máis…)

Tantarantán (Varias versións)

Novo

– Chucurruchú, ¿para onde vas vella?
– Chucurruchú, para Pontevedra.
– Chucurruchú ¿que vas buscar?
– Chucurruchú, unha area de sal.
– Chucurruchú, ¿para que é o sal?
– Chucurruchú, para botarlle ó caldo.
– Chucurruchú, ¿para que é o caldo?
– Chucurruchú, para lles dar ás pitas.
– Chucurruchú, ¿para que son as pitas?
– Chucurruchú, para poñer os ovos.
– Chucurruchú, ¿para que son os ovos?
– Chucurruchú, para lle dar ó cura?
– Chucurruchú, ¿para que é o cura?
– Chucurruchú, para dar a misa.
– Chucurruchú, ¿para que é a misa?
– Chucurrurruchú, para estar no ceo.
– Chucurruchú, ¿para que é o ceo?
– Chucurruchú, para estar na gloria.

Tania Ruibal, de Bueu

(máis…)

Serra comadre (varias versións)

Novo

Serra, comadre,
serra, compadre,
na serreiriña do señor abade.
Ti coa lima
e eu coa serra
gañaremos cartiños coma terra.

Cóllese o bebé dos braciños, sentado fronte a un como semellando o feito de agarraren entre dous unha serra de man ó tempo que se lle soben e baixan as pernas para removelo suavemente. Vaise cantando poñendo énfase no final.

Lanuxos, de Bedús – Friol

(máis…)

Uso de cookies

Este sitio web utiliza cookies para que teñas mellor experiencia de usuario. Se continúas navegando considérase a aceptación da nosa política de cookies. Máis información.

ACEPTAR
Aviso de cookies